Yuvraj: Ab main Uttar Pradesh ke baare main baat karunga…
(Par kuch log use bolne hi nahin dete…)
Pahala Prashna: UP se pahala Pradhan Mantri kaun bana tha?
Yuvraj: Errr… mere pardada…
Doosra Prashna: Aur aapki dadi kahan se chun ke aayi thi?
Yuvraj: Errr… UP…
Teesra Prashna: 1984 main kaunsa Pradhan Mantri Uttar Pradesh se chun ke aaye the aur saare Lok Sabha ke seats le gaye the?
Yuvraj: Errr… mere papa…
Chautha Prashna: Aap aur Sonia kahan se chunav jeet ke aaye hain?
Yuvraj: Errr… UP… par woh sab chhodiye, mujhe ye rajya sirf dus saal ke liye deejiye…
Paanchva Prashna: Congress ne UP main kitne saal raj kiya?
Yuvraj: Errr… lagbhag paitees saal… par woh sab chhodiye… Mayawati galat hain…
Chhatha Prashna: To sahi kya hain? Aapka vision kya hain? Strategy kya hai?
Yuvraj: Errr… koi vision nahin, koi strategy bhi nahin aur sahi kya hai main nahin jaanta, main sirf itna jaanta hu ki aap please please bheek mat mangiye doosre rajya ja ke!
Saatva Prashna: To kya isi rajya main bheek maange?
Yuvraj: Errr… errr… errr…
(Aur kuch log hasne lagte hain…)
Diggy Raja: Khaamosh! Haso mat! Ek din ye Pradhan Mantri ban-ne hi waale hain, tab hum sab hasenge aur aap sab roenge! Ha ha ha ha…
Moral of the story: He who laughs last, laughs the longest…
© Sunil Rajguru